«Aınalym shemasy» arqyly baǵany turaqtandyrýǵa 140 mlrd teńge bólindi
«Memleket basshysy bıznes ókilderimen kezdesýinde eńbekaqynyń jalpy ishki ónimdegi úlesin arttyrýdyń mańyzdylyǵyn aıtqan bolatyn. Baǵdarlamany iske asyrý atalǵan kórsetkishti 31%-dan 38,5%-ǵa deıin arttyrýǵa múmkindik beredi. Sondaı-aq jalpy kiristerdegi eńbek qyzmetinen túsken kiristerdiń úlesi 70%-dan 82%-ǵa deıin arttyrý kózdelgen.
Bul kórsetkishterge qol jetkizý joldary egjeı-tegjeıli taldanyp, baǵdarlama ındıkatorlaryna qol jetkizý jaýapkershiligi óńirler men salalyq mınıstrlikter bólinisinde bekitilgen», - dedi vıtse-premer.
Sondaı-aq, ol Úkimet Ulttyq bankpen birlesip ınflıatsııany tejeý boıynsha birqatar jedel sharalar qabyldap jatqanyn eske saldy.
«Memleket basshysynyń tapsyrmasy boıynsha 15 aqpanda Úkimet otyrysynda baǵanyń ósýin tejeý úshin 2022-2024 jyldarǵa arnalǵan ınflıatsııa deńgeıin baqylaý jáne tómendetý boıynsha sharalar kesheni qabyldandy.
Búginde azyq-túlik ónimderiniń baǵasyn turaqty ustap turý úshin Úkimet forvardtyq sharttar jasasý jónindegi sharalardy, shekti jol beriletin bólshek saýda baǵalaryn belgileý quraldaryn jáne bólshek saýda ústemesi jónindegi talaptardyń saqtalýyn baqylaýdy, azyq-túlik taýarlaryna baǵa belgileýdiń búkil tizbegi boıynsha shemalardy tergep-tekserýdi keńinen qoldanady.
Jergilikti atqarýshy organdar profılaktıkalyq baqylaý sheńberinde «úı janyndaǵy dúkenderde» 15% ústemaqyny arttyrýǵa jol bermeý boıynsha jumys júrgizýde.
Budan basqa, «aınalym shemasyn» qarjylandyrý jáne turaqtandyrý qorlaryn qalyptastyrý 140 mlrd teńgege deıin ulǵaıtyldy. Áleýmettik mańyzy bar azyq-túlik taýarlaryn ótkizýshiler úshin jaldaý aqysyn tómendetý máselesi pysyqtalýda», - dedi Eraly Toǵjanov.
Aıtýynsha, osy atalǵan jyldyń birinshi toqsanynda azyq-túlik ónimderiniń baǵa ındeksin 10% deńgeıinde ustap turýǵa múmkindik bergen.
Eske salsaq, QR Parlament Májilisiniń jalpy otyrysynda atqarýshylyq is júrgizýdi jetildirýge baǵyttalǵan zań
