«Aınalaıyn Astanam - asqaq ánim!» merekelik baǵdarlamasynda jas ónerpazdar óner kórsetedi
ASTANA. QazAqparat - Búgin, 5 shilde kúni Astana qalasyndaǵy Oqýshylar saraıynyń ortalyq alańynda elordanyń 17 jyldyǵyna arnalǵan «Aınalaıyn Astanam - asqaq ánim!» merekelik sharasy ótedi, dep habarlaıdy Astana qalalyq mádenıet basqarmasynan.
Oqýshylar saraıynyń ortalyq alańynda balalardyń qatysýymen saǵat 10.00-den bastap negizgi alań jumys jasaıdy: onda jas sýretshiler kórmesi, hıp-hop bı alańy, sport alańy (karate godzıý-rıý, toǵyzqumalaq, shahmat, taekvondo, arqan tartys,kóńildi starttar), kontserttik baǵdarlama, sonymen qatar bı fleshmoby uıymdastyrylady.
Barlyq shyǵarmashylyq alańdarda Oqýshylar saraıynyń tárbıelenýshileri óner kórsetedi. Yrǵaqty bıler men sporttyq saıystar qatysýshylar men mereke kórermenderin beı-jaı qaldyrmasy anyq.
Sonymen qatar jas sýretshiler óz týyndylaryn kórermen nazaryna usynsa, jol jıekterine salynǵan sýret saıysy balalardyń óz qabiletterin tanytýyna jáne elordaǵa óz shyǵarmashylyǵynyń bir bóligin syılaýǵa múmkindik beredi.
Merekelik baǵdarlamada Oqýshylar saraıynyń óner ujymdary : solıstter men vokaldyq toptar, Sholpan Qorǵanbekova jetekshilik etetin dombyra, qobyz, fleıta ansamblderi ujymy, Shmanov Kaırat jetekshilik etetin horeografııalyq ansambl kópshilik aldyna shyǵady. Jas gımnasshylar men karatısterdiń kórsetilimdik nómirleri de eshkimdi beı-jaı qaldyrmasy anyq.
Sonymen qatar Oqýshylar saraıynyń jas sángerleriniń qolynan shyqqan «Fashion kz. Jaz-2015» jazǵy toptamasymen «Art Feshn Dızaın» stýdııasy tanystyrylady.
Shara áýege túrli-tústi sharlardy ushyrýmen aıaqtalady.
