Aınaǵa qarap, densaýlyǵyńyzdaǵy ózgeristerdi bilińiz
ASTANA. QazAqparat - Tańerteń uıqydan tura salysymen aına aldyna kelip, óz beıneńizge bir úńilgenińiz abzal. Dál osy sátte óz bet-álpetińizdegi ózgeristerge den qoıa nazar salsańyz, densaýlyǵyńyzdaǵy ózgeristerdi baıqaı alasyz. Bul aýrýdyń aldyn alýǵa septigin tıgizedi, dep jazady massaget.kz.
Kózińizdiń ústi isse Bul búırektiń álsizdiginen nemese búırektiń qabynýynan derek berýi múmkin. Mundaıda dárigerge baryp qaralyńyz jáne qan qysymyńyzdy ólshetip kórińiz.
Kózdiń aınalasy qaraýytsa Bul sizdiń qatty sharshaǵanyńyzdy bildiredi, mundaı shaqta demalysty kóbeıtip, tynyshtyqqa nazar aýdaryńyz. Kózińiz qantalasa Uıqynyń azdyǵynan adam kózi qantalaýy múmkin. Ernińiz sarǵaısa Shylym shegetin adamdardyń erni sarǵaıyp ketedi, bul júrek, ókpe syndy ishki múshelerdiń qalypty qyzmetine nuqsan kelgenin aıǵaqtaıdy. Tildiń ústi aǵaryp, qalyńdasa As qorytýdyń jaqsy bolmaǵandyǵynan, asqazannyń qabynýynan, asqazan-ishek joly qyzmetteriniń qalypsyzdyǵynan derek berýi múmkin. Mundaıda tamaqty ólshemmen jeýge nazar aýdarý kerek. Betke qara daq tússe Bul tamaqta vıtamın V tobynyń nemese vıtamın S-nyń kemshil ekenin bildiredi. Mundaıda balǵyn jemister men kókónisterdi kóbirek tutyný kerek. Teri sarǵaıyp ketse Baýyrda ystyq nemese t.b. aqaýlardyń bar ekenin bildiredi. Mysaly, baýyrdyń qabynýy, baýyrdyń qataıýy syndy.
