Aına Temirtasova Azııa chempıonatynyń jeńimpazy atandy
ASTANA. QazAqparat - Kúres túrlerinen Taıpeıde ótip jatqan jastar arasyndaǵy Azııa chempıonatynda qazaqstandyq Aına Temirtasova jeńimpaz atandy, dep habarlaıdy Sportportal.kz.
63 kelide synǵa túsken qazaqstandyq balýan qyz irikteý kezeńinde koreıalyq Seıýn Choıdy beldesýdiń bastalǵanyna bar-joǵy bir mınýt ótkende taza utty.
Jartylaı fınalda qazaqstandyq qyz úndistandyq Reshma Anıl Manemen baq synasty. Beldesý bastalysymen Aına qarsylasyna ádis qoldanyp, upaı enshiledi. Alǵashqy kezeńde qazaq qyzy alty upaı enshilese, úndistandyq balýan úsh upaı oljalady. Ekinshi kezeńde tórt upaılyq eki ádis jasaǵan Aına 14-5 esebimen qarsylasynan basymdyqpen jeńip, fınalǵa joldama aldy.
Aına Azııa chempıonatynyń altyn medalin japonııalyq Mısýzý Enomotomen sarapqa saldy. Alǵashqy aınalym 1-0 esebimen japon qyzynyń basymdyǵymen aıaqtaldy. Ekinshi kezeńniń alǵashqy mınýtynda tórt upaı enshilegen Aına sol basymdyǵyn beldesý sońyna deıin saqtap qaldy.
Qorytyndy esep 3-5, jeńis qazaqstandyq balýan qyzda. Osylaısha Aına jasóspirimder arasyndaǵy Azııa chempıonatynda altyn medal ıelendi.
