Aıman Omarova: Prezıdent óz áreketimen memlekettikti saqtap qala aldy

NUR-SULTAN. QazAqparat – Qańtar oqıǵasyndaǵy oqıǵalardyń bári bılikti kúshpen basyp alý maqsatymen uıymdastyrylǵan. Quqyq qorǵaýshy Aıman Omarova Májilistiń jalpy otyrysynda osyndaı pikir bildirdi, dep habarlaıdy QazAqparat tilshisi.

«Qańtar kúnderinde ne bolǵanyn bári bilgisi keledi. Bul beıbit mıtıngiler boldy ma, álde bılikti kúshpen basyp alý áreketi boldy ma? Qańtar oqıǵalarynyń negizi bılikti kúshpen tartyp alý áreketi bolǵany kúmánsiz dep topshylaımyz. Qylmystyq quqyq buzý faktileriniń bári osy basty maqsatqa qol jetkizýdiń tásili bolǵan. Bılikti kúshpen basyp alýdyń Qylmystyq kodekstiń 179-babynyń 2) bóliginde mynandaı dıspozıtsııasy bar. «Bılikti kúshpen basyp aýlǵa baǵyttalǵan áreketter nemese bılikti kúshpen ustap turý áreketteri – Qazaqstan Konstıtýtsııasyn buzý nemese Qazaqstan Respýblıkasyny konstıtýtsııalyq qurylymyn kúshpen buzý» - dedi zańger.

Sondaı-aq, oqıǵany turaqtandyrýda Prezıdenttiń róli qandaı bolǵanyn atap ótti.

«Bul haosty Prezıdent qana óziniń áreketimen toqtatyp, memleketti saqtap qala aldy. Muny aıtý kerek», - dedi Aıman Omarova.