Aıman Musaqojaeva stýdentterine Dımashtan úlgi alýǵa keńes berdi
ASTANA. QazAqparat - Búgin Qazaq Ulttyq óner ýnıversıtetiniń rektory Aıman Musaqojaeva Qytaıdaǵy «Singer 2017» án baıqaýyna qatysyp jatqan Dımash Qudaıbergenovpen telefon arqyly sóılesip, óz keńesin berdi, dep habarlaıdy QazAqparat.
«Búginde bizdiń stýdentter álemdik sahnalarda óner kórsetip júrgeni barshańyzǵa aıan. Osy oraıda elimizdiń atynan ónerin pash etken Dımash Qudaıbergenov erekshe qoshemetke ıe. Sonymen qatar ol bizdiń ýnıversıtettiń stýdenti bolǵandyqtan, bizdiń maqtanyshymyz. Dımash úshin kúnde alańdap otyramyz. Tústen keıin onymen telefon arqyly sóılesip, daıyndyq barysyndaǵy jetistikterin suradym. Ol óz kezeginde daıyndyq sharalary óte qıyn ekenin atap ótti»,-dedi A. Musaqojaeva ýnıversıtet stýdentterimen kezdesý barysynda.
Osy oraıda ýnıversıtet rektory stýdentterge aǵylshyn tilin jetik meńgerý kerektigin jetkizdi.
«Men kezinde Dımashqa aǵylshyn tilin tolyq meńgerip shyq dep birneshe ret aıtqan bolatynmyn. Osyndaı úlken baıqaýlarda tildi bilgen artyq emes. Meniń oıymsha, ol sizder úlgi alatyndaı óte daryndy jas ánshi. Sondyqtan ónerde óz oryndaryńyz úshin kúresýde Dımashtan úırenetin tustaryńyz barshylyq»,-dedi Musaqojaeva.
