Aıman Musaqojaeva: Biz Prezıdentimizge senemiz
ASTANA. QazAqparat - Qazaq ulttyq óner ýnıversıtetiniń rektory, QR halyq ártisi Aıman Musaqojaeva óziniń jáne ózi basqaratyn oqý ordasynyń stýdentteriniń atynan Nursultan Nazarbaevty Qazaqstan Respýblıkasynyń Prezıdenti bolyp saılanýymen quttyqtady.
Jýrnalısterge bergen suhbatynda ol halyqtyń Elbasyǵa senetinin bilse de, saılaý kezinde azdap qobaljyǵanyn jasyrmady.
«Biz oǵan, onyń kúsh-qýatyna jáne adaldyǵyna senemiz. Biz ózimizdiń balalarymyzdyń bolashaǵyn oǵan senip tapsyrdyq. Ol buryn da bizdiń senimimizdi aqtap keldi, budan bylaı da aqtaı beretinine senemiz. Bul teńdesi joq jeńis boldy», - dep atap ótti ol.
QazUÓÝ rektorynyń aıtýynsha, N. Nazarbaev eldiń erteńgi damý baǵytyn anyq biledi. Sondyqtan elimizge qazirgi qıyn kezeńderde dál osyndaı kóshbasshy qajet.
«Memleket basshysy ózi bastap beretin barlyq maqsattar men mindetter, baǵdarlamalar men reformalar halqymyzdyń turmysyn jaqsartýǵa arnalǵan. Biz úlken jetistikterge jettik jáne N. Nazarbaevtyń basshylyǵymen áli talaı asýlardan asamyz», - dedi A. Musaqojaeva.
Onyń oıynsha, Ult kóshbasshysy barlyq qazaqstandyqtardyń qoldaýyna ıe boldy. Saılaýdaǵy nátıjeler sonyń aıqyn dáleli.
«Saılaý halyqtyń Prezıdentke degen seniminiń qanshalyqty joǵary dárejede ekenin kórsetti. Álemde eshbir Prezıdent saılaýshylardyń 97 paıyzynyń daýysyn jınap kórgen emes. Bul - jalpyhalyqtyq mahabbat dep bilemin», - dep aıtty ol.
