Aımaqtyq vırýsologııalyq zerthana quryldy
ASTANA. 19 tamyz. QazAqparat /Qanat Mámetqazyuly/ - Jaqynda QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń «Astana qalasynyń sanıtarlyq-epıdemıologııalyq saraptama ortalyǵy» Respýblıkalyq mekeme bazasynda zamanaýı zerthanalyq jabdyqtarmen jaraqtalǵan jáne joǵary bilikti mamandarmen qamtamasyz etilgen Aımaqtyq vırýsologııalyq zerthana quryldy.
Zerthana densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý jáne asa qaýipti juqpaly aýrýlardy dıagnostıkalaý, tamaq ónimderin baqylaý boıynsha zerthana qyzmetin odan ári jetildirý maqsatynda qurylyp otyr.
Aımaqtyq zerthananyń negizgi maqsattarynyń biri - tumaýǵa, sonyń ishinde onyń pandemııalyq túrlerine, jiti respıratorlyq vırýsty ınfektsııalarǵa gendi-molekýlıarlyq deńgeıde dıagnostıka júrgizý, sondaı-aq vırýsqa qarsy preparattarǵa sezimtaldyǵyn, olardyń tıptik tıistiligin anyqtaý maqsatynda tumaý shtamdaryn bólý bolyp tabylady. Budaı zertteýler epıdemııa aldyndaǵy kezeńde jáne tumaý men jiti respıratorlyq vırýsty ınfektsııalardyń epıdemıologııalyq maýsymynda tumaý vırýstarynyń aınalymy men ózgerýin jedel qadaǵalaýǵa múmkindik beredi. Sonymen qatar, paıda bolatyn maýsymdyq asqynýlardyń etıologııasyn jáne tumaý men JRVI epıdemııasyn ýaqtyly boljaýdy júzege asyrýǵa septigin tıgizedi.
Budan basqa, zerthanada tamaq ónimderin gendik túrlendirilgen obektilerdiń bolýyna zertteý júrgizýge múmkindik beretin qazirgi zamanǵy zerthanalyq jabdyq ornatylǵan. Zerthanadaǵy sharalar tek Astana qalasy úshin ǵana emes, sonymen qatar Qaraǵandy, Qostanaı, Soltústik Qazaqstan, Aqmola jáne Pavlodar oblystaryn qosa alǵanda respýblıkanyń barlyq soltústik-ortalyq óńiri úshin júrgizý josparlanýda.
