Aımaqtyq kóshbasshy bola otyryp Qazaqstan túrki qaýymdastyǵynyń qyzmetinde basty rólderdiń birin atqarady - Ramıl Gasanov
ASTANA. 5 sáýir. QazAqparat - Memleket basshysy Nursultan Nazarbaevty prezıdenttik saılaýdaǵy senimdi jeńisimen Túrki tildes elderdiń Parlamenttik Assambleıasynyń Bas hatshysy Ramıl Gasanov quttyqtady,
dep habarlaıdy QR Prezıdentiniń baspasóz qyzmeti.
Jedelhat mátininde bylaı delingen:
Asa qurmetti Nursultan Ábishuly!
Saılaý nátıjeleri óz bolashaǵy men úkili úmitiniń keleshektegi qarqyndy áleýmettik jáne ekonomıkalyq damýyn Ózińizdiń esimińizben baılanystyratyn Qazaqstan halqynyń Sizge degen aıryqsha senimin meılinshe aıǵaqtaıdy.
Biz Sizdi álemdegi zor qurmet pen abyroı-bedelge ıe dana, ustanymy berik saıasatker retinde bilemiz.
Óńirlik lıder bola otyryp, Qazaqstan túrki qoǵamdastyǵyna kiretin baýyrlas elderdiń kóp qyrly ózara is-qımylyn jan-jaqty damytýǵa baǵyttalǵan qyzmetinde basty rólderdiń birin atqarady. Sizdiń belsendi ustanymyńyz aldymyzda turǵan mindetterdi ońtaıly sheshýge tıimdi jol salýǵa múmkindik beretinine senemin.
Túrki tildes elderdiń Parlamenttik Assambleıasynyń Bas hatshysy
Ramıl Gasanov
