Aımaqtardy damytý baǵdarlamasy boıynsha baspana alýǵa ótinim qabyldaý bastaldy - Qaraǵandy
QARAǴANDY. QazAqparat Qaraǵandyda «Qazaqstannyń Turǵyn úı qurylys jınaq banki» AQ óziniń salymshylaryna «Barlyq sanattaǵy halyqqa arnalǵan baspana» ІІ top baǵyty boıynsha 2020-shy jylǵa arnalǵan Aımaqtardy damytý baǵdarlamasyna qatysýǵa ótinim qabyldaıtyny týraly habarlady.
Bul týraly Qaraǵandy oblysy ákimdiginiń saıty jazdy.
Paıdalanýǵa beretin úı «Panel-Tsentr» shaǵynaýdanynda ornalasqan.
Quny: 1 sharshy metr - 100 000 teńge «taza» óńdeýde.
Jaılylyq klassy: ІІІ.
Páterler sany: 173.
Páterler aýdany - 36,01-den bastap 70,83 sharshy metrge deıin.
Qatysýǵa ótinim qazannyń 5-i men 31-i aralyǵynda qabyldanady. Balldar sanyna qaraı otyryp úmitkerler tańdap alynady, sonan soń olardyń tólem qabilettiligi baǵalanady. Barlyq protsedýralardyń aıaqtalý merzimi - 2017-shi jyldyń 7-shi jeltoqsany.
Ótinimdi banktiń ınternet resýrsy: www.hcsbk.kz «Jeke kabınet/Internet bankke» tapsyrýǵa bolady. Ótinimdi berý merzimi úlestirilgen balldar men ótinim berýshiniń kezegine áser etpeıdi.
Ótinim tek bank salymshylarynan ǵana qabyldanady.
Ótinim berýshilerge qoıylatyn talaptar, qurylys nysanynyń sıpattamasymen, onyń ishinde ǵımarattyń qasbeti men páterlerdiń ornalasýy kórsetilgen sýretterimen www.hcsbk.kz banktiń ınternet resýrsynda «Qoljetimdi» baspana bóliminde tolyǵyraq tanysýǵa bolady.
Úlestirý tártibi banktiń www.hcsbk.kz ınternet-resýrsynda kórsetilgen.
Tóleý qabilettilikti baǵalaýǵa arnalǵan qujattar tizimi banktiń www.hcsbk.kz ınternet-resýrsynda kórsetilgen.
Qujattar «Qazaqstannyń Turǵyn úı qurylys jınaq banki» AQ fılıalynda, Qaraǵandy qalasy, Ermekov k-si 54 úı mekenjaıy boıynsha qabyldanady.
Qosymsha suraqtarmen banktiń koll-ortalyǵyna 300 nómiri boıynsha (uıaly telefonnan qońyraý shalý tegin) habarlasý kerek.
