Aımaqtardaǵy qala qurylysynyń kadastry Qyzylorda oblysynyń tájirıbesi negizinde jumys istemek
ASTANA. QazAqparat - Aımaqtardaǵy qala qurylysynyń kadastry Qyzylorda oblysynyń tájirıbesi negizinde jumys isteıdi, dep habarlady Óńirlik damý mınıstrligi janyndaǵy «QazNIISA» AQ Astana fılıalynyń baspasóz qyzmetinen.
Óńirlik damý mınıstri Bolat Jámishev Qyzylorda oblysyna barǵan sapary aıasynda qala qurylysy kadastrynyń memlekettik biryńǵaı júıesin qurý jáne júrgizý máseleleri jóninde selektorlyq otyrys ótkizdi.
Oblystarǵa Qyzylorda oblysy men Qyzylorda, Astana qalalaryndaǵy qala qurylysy kadastrynyń avtomattandyrylǵan júıesiniń sátti júzege asýy kórsetildi.
Bolat Jámishev atap ótkendeı, búginde kóptegen oblystarda arnaıy óndiris oryndary kadastrdy qurastyrý jumystarymen aınalysýda. Alaıda olardyń ádisteri, pishinderi ár túrli. Qyzylorda men Astana qalasyndaǵy kadastr júıesi ǵana tıisti talaptarǵa jaýap beredi. Onymen qosa oblystyq sáýlet jáne qala qurylysy basqarmasynyń basshysy Seıilhan Toıbazarov Qyzylorda qalasynyń elektrondyq sandyq kartasy shaǵynaýdandar, joldar, jeke sektor, ınjenerlik ınfraqurylym, múlik nysandary týraly derekterdi jınaýǵa septesti. Osylaısha oblystyq ekonomıka jáne bıýdjetti josparlaý basqarmasy 2013 jyly Qyzylorda qalasyndaǵy 29 kóshedegi jolǵa asfalt tóseý úshin jumsalatyn qarjyny josparlaý kezinde 100 mln. teńgeden astam qarajatty únemdedi.
