Aımaqtardaǵy arshyndy ister
Olardyń qatarynda Іle ózenindegi «Kerbulaq» qarsy retteýshi sý elektr stansasy men Shelek dálizindegi jel elektr stansasynyń qurylysy, sondaı-aq, Shelek óńiriniń energııa áleýetin damytý jobasy da bar. Al «Taldyqorǵan» ındýstrııalyq aımaǵyna jyl sońyna deıin qajetti kommýnıkatsııa júrgizilip, temir jol tartylyp, tas jol tóselmek . Óndiristik aımaq aýmaǵynda búginde soıa zaýyty, et jáne nan kombınaty salynýda. Munda qurylys júrgizýge 12 kompanııa ótinish bergen. 7,5 myńǵa jýyq adamǵa jumys orny ashylady, 40-qa tarta óndiris iske qosylady. «Kem degende 100-120 mıllıard teńge ınvestıtsııa tartýdy kózdep otyrmyz» deıdi oblystyq kásipkerlik jáne ındýstrııalyq-ınnovatsııalyq damý basqarmasynyń jetekshisi Marjan Murat.
Al Aqmola oblysynyń Tselı¬nograd aýdanynda árqaısysy 300 oqýshyǵa arnalǵan eki jańa mektep paıdalanýǵa beriledi. Qazir Talapker aýyldyq okrýgine qarasty №96 razezde jáne Taıtóbe aýylynda jańa mektepterdiń qurylysy júrgizilýde. Bilim ordalarynyń ekeýi de jospar boıynsha 2013 jyly paıdalanýǵa berilýi kerek edi. Alaıda merdigerlerdiń salǵyrttyǵynan qurylys jumystary sozylyp, bıylǵy jyly ǵana aıaqtaý kózdelip otyr. №96 razezdegi orta mekteptiń qurylysyna barlyǵy 547 mıllıon teńge qarjy bólingen. Qurylys jumystaryn 2011 jyly merdiger «Almat Kókshetaý» JShS qolǵa alyp, keıin aıaqsyz qaldyrǵan. Osy kúni sot arqyly atalǵan nysannyń qurylysy «Qazbaılyq Astana» seriktestigine berilip otyr.
Seriktestik basshysy Nurtaı Habdýlınniń sózine qaraǵanda, bilim ordasyn bıylǵy jyldyń qyrkúıek aıynda tapsyrý jos¬parlanǵan.
Taıtóbe aýylyndaǵy mekteptiń qurylysy da alǵashqy merdiger¬derden sot arqyly alynyp, «Elektrosetstroı» seriktestigine senip tapsyrylǵan. Bul nysandy aldaǵy jıyrma kúnniń ishinde aıaqtaý kózdelgen. Qazirgi kezde negizgi jumystar aıaqtalǵan. Ǵımarat mańy abattandyrylyp jatyr.