Aımaqtarda jumys istemegen memqyzmetkerler ortalyq vedomstvolardaǵy laýazymdy qyzmetterge jiberilmeıdi
Búgingi tańda QR Parlamentte talqylanyp jatqan "Memlekettik qyzmet týraly" zańnyń jańa redaktsııasynda osyndaı normalar bar.
Bul týraly keshe, Astanada QR Prezıdentiniń "Bolashaq" halyqaralyq stıpendııasy túlekteriniń besinshi forýmynda QR Prezıdenti Ákimshiligi Basshysynyń orynbasary, "Bolashaq" assotsıatsııasy keńesiniń tóraǵasy Baýyrjan Baıbek málim etti.
"Departament nemese komıtet basqaramyn dep talpynǵan árbir mamanda aımaqtarda jumys tájirıbesi bolýy shart. ıAǵnı, mansabyn oılaǵan, eline qyzmet etýdi shyn maqsat etken árbir maman mindetti túrde aımaqqa óz erkimen barady. Sebebi aımaqtyq tájirıbesiz olardyń mansaby óspeıdi", - dep atap ótti ol.
B.Baıbektiń aqparaty boıynsha, "Bolashaq" stıpendııasynyń 5 myńnan astam túlegi ishinde 500-ge jýyǵy aımaqtarda eńbek etip júr. Bul kórsetkish endi tek óse beretin bolady.
"Qazir biz tek olarǵa usynys retinde aýyl-aýyldarǵa barýǵa, eldi tanyp kelýge, ózderiniń básekege qabilettilikterin arttyrýǵa keńes beremiz. Biraq bunyń barlyǵy jańa zańda jazylatyn bolady", - dedi B.Baıbek.
