Aımaǵambetov oqýshylardyń qaýipsizdigi týraly: Másele tolyq sheshilgen joq

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov elimizde mektep oqýshylarynyń qaýipsizdigin qamtý máselesiniń tolyq sheshimin tappaǵanyn alǵa tartty, dep habarlaıdy QazAqparat tilshisi.

«Biz balalardyń qaýipsizdigin qamtamasyz etý úshin mektepterge arnaýly kúzet qoıýdy tapsyrdyq. Elordanyń №58 mektebinde bolǵan jaıt máseleniń tolyq sheshilmegenin kórsetip otyr. Sol sebepti qarashanyń ekinshi jartysynda el boıynsha qosymsha tekseris júrgiziledi. Mektep qaýipsizdigin qamtamasyz etý boıynsha jetkilikti ýaqyt berildi, sheshim bar, qarjy bólindi. Máseleni sheshýge tolyq múmkindik bar. Qaıtalap aıtamyn, eń bastysy balalardyń qaýipsizdigin qamtamasyz etý qajet», - dedi Ashat Aımaǵambetov mınıstrliktiń apparat keńesi jıynynda.

Buǵan deıin mınıstr taıaýda elordanyń №58 mektebinde ata-analardyń resmı túrde bas tartýyna qaramastan balalarǵa jasyryn ekpe salyp jatyr degen oqıǵaǵa qatysty jaǵdaıdy túsindidi.

«Qaýipsizdik algorımti, sheshimder, tehnıka, beınebaqylaý kamerasy bári de balalardyń qaýipsizdigi jolynda jumys isteýi kerek. Bul jaıtty qaýipsizdikke tekserý boldy desek bolady. Al eger múldem basqa adamdar bolsa ne bolar edi? Ol azdaı oqıǵa bolǵannan keıin araǵa birneshe kún salyp aıtyla bastady. Mektep basshylyǵy bolǵan jaǵdaıǵa jedel áreket etpeýimen qatar, ony jasyryp qalmaq bolǵan», - degen edi vedomstvo basshysy.