Aımaǵambetov: Aýytqýy bar adamdardy bólek ustap, jabý — durys emes

ASTANA. KAZINFORM — Májilis depýtaty Ashat Aımaǵambetovtiń aıtýynsha, bizge olardy jabýmen nemese emdeýmen emes aldyn alý jáne kómek kórsetý máselesimen aınalysý mańyzdy.

Асхат Аймағамбетов
Фото: Виктор Федюнин/ Kazinform

Búgin Májilistiń Áleýmettik-mádenı damý komıtetinde psıhologııa qyzmetiniń problemalary men sheshý joldary qaralyp jatyr. 

— Bul taqyryp 2024 jyldyń qyrkúıeginde bekitilgen. Birneshe aı ótken soń sońǵy oqıǵaǵa qanshalyqty mańyzdy ekenine kózimiz jetip otyr. Psıhologııalyq densaýlyq máselesi mańyzdy, ásirese pandemııadan keıin, smartfonnyń áserimen odan saıyn kúrdelene tústi.

Eýropa memleketterin qaraıtyn bolsaq, olarda birshama zertteý ótkizildi, sodan psıhologııalyq densaýlyqtyń qanshalyqty ýshyǵyp bara jatqanyn kórip otyrmyz.

Bizdiń elde psıhologııalyq zertteýler jetkiliksiz. Psıhologııalyq qyzmet quqyqtyq turǵydan tolyǵymen rettelmegen, — dedi Ashat Aımaǵambetov Májilis komıtetiniń otyrysynda.

Halyq qalaýlysynyń aıtýynsha, psıhologııalyq qyzmet kórsetýdiń tıisti normalary bar, biraq ol shashyrańqy.

— Ártúrli zańdarda, mınıstrlikterdiń ártúrli erejelerinde qarastyrylǵan, biraq júıeli rettelgen zań joq. Kóp memlekette arnaıy zańnama bar.

Jalpy, psıhıatrııa, psıhologııa, psıhoterapııa qyzmetin kóbisi shatastyrady, bári birdeı kórinedi, biraq ózindik erekshelikteri bar.

Psıhıkalyq aýytqýy bar jandarǵa kórsetiletin kómek kólemi qandaı, dári-dármekke qol jetkizý máselesi kún tártibinde tur. Keıbireýler psıhıkasynda aýytqýy bar adamdardy bólek ustap, jabý kerek dep jatyr, bul - durys emes. Bizge olardy jabýmen nemese emdeýmen emes aldyn alý jáne kómek kórsetý máselesi mańyzdy, — deıdi depýtat.

Aıta keteıik, elimizde minez–qulqy psıhıkalyq buzylǵan (aýytqýy bar) 204 408 adam bar. Onyń ishinde 44 781-i - kámelet jasyna tolmaǵan balalar men jasóspirimder. 

Sondaı-aq psıhıkalyq aýytqýy bar adam qandaı jaǵdaıda májbúrlep emdeýge jiberiletini týraly jazǵan edik.

Eske sala ketsek, elordada jasóspirim lıfti ishinde balany pyshaqtap tastaǵan edi. Keıin belgili bolǵandaı pyshaqpen shabýyldaǵan jasóspirim arnaıy esepte turǵan. 

Dárigerler zardap shekken balaǵa dereý ota jasap, psıhologııalyq kómek kórsetti. 

Qazir balany pyshaqtaǵan jasóspirim psıhıatrııalyq statsıonarda.

Сейчас читают