Aılyqty ósirý ámııannyń ǵana máselesi emes – Dáýren Abaev
«Muǵalimderdiń aılyǵyn kótergende de dál osylaı synaǵandar bolǵan. 2020 jyly muǵalimderdiń aılyǵy ósti de, pedagogıka mamandyǵyna túsý baly kóterildi. ıAǵnı áleýeti joǵary mamandar pedagogıka baryp jatyr degen sóz. Sonyń arqasynda bilim sapasy da artady. Aýylǵa qaladan kóship baryp jatqan jas pedagogterdiń sany qazirdiń ózinde ósip jatyr. Buǵan deıin olardy aýylǵa shaqyrýdyń túrli jolyn paıdalanǵan edik. «Dıplommen aýylǵa» degen baǵdarlama boıynsha da úndedik. Biraq muǵalimderdiń aılyǵyn kóterip edik, úderis tabıǵı sıpatta júre bastady. Bir jyldyń ishinde ǵana er pedagogterdiń úlesi artqanyn tirkedik. Bul óte mańyzdy másele. Bizdiń pedagogıkada genderlik teńgerimsizdik óte joǵary. Tipti muǵalimdik áıel adamdardyń mamandyǵy degen túsinik qalyptasyp ketken», - degen Dáýren Abaev kez kelgen salada mamandardyń sapasyn aılyqtyń mólsheri aıqyndaıtynyn atady.
«Aılyq tómen bolǵandyqtan, er adamdar pedagogıka mamandyqtaryna óte sırek baratyn. Al balalar psıhologtary pedagogterdiń arasynda genderlik balanstyń bolýy mańyzdy ekenin aıtyp otyr. Ásirese ul balaardyń psıhologııasy úshin mańyzdy kórinedi. Pedagog er adam olar úshin elikteýge turarlyq úlgi bola alady. Sondyqtan muǵalimderdiń aılyǵyn kóbeıtý ámııannyń ǵana sharýasy emes, júıelik shara bolatyn. Siz aıtyp otyrǵan 600-deı azamattyq qyzmet mamandyqtarynyń bedeli de osy máselege baılanysty. Aılyq neǵurlym joǵary bolsa, oǵan baratyn naǵyz mamandardyń sany da soǵurlym artady» - dedi Prezıdent ákimshiligi basshysynyń birinshi orynbasary.
