Aılý, Sallahaddın, Al–Safı — Shymkentte 20 jastaǵy kelinshek úshem tapty

ShYMKENT. KAZINFORM – Shymkentte 20 jastaǵy jas kelinshek úshem tapty. Bul Shymkentte bir aı ishinde dúnıege kelgen ekinshi úshem.

Jıyrma jastaǵy Shymkent qalasynyń turǵyny alǵashqy júktiliginde birden úsh sábıdi ómirge ákeldi.

Jas anany 10 qańtar kúni qalalyq perınataldyq ortalyq dárigerleri kesir tiligi arqyly bosandyryp alǵan. Sábılerdiń salmaǵy 1925, 1625, 1900 gramm, boıy 43-47 sm aralyǵynda.

Búginde náresteler salmaq qosyp, densaýlyǵy jaqsarǵan. Ata-anasy úshemge ata-anasy Aılý, Sallahaddın, Al–Safı degen erekshe esim bergen. Birshama ýaqyt dárigerler baqylaýynda bolǵan náresteler búgin perzenthanadan úıine shyǵaryldy.

Aıta keteıik, bul Shymkentte bir aı ishinde dúnıege kelgen ekinshi úshem. Budan buryn, Á.Ábdiqadirova esimdi shymkenttik turǵynnyń Aıshah, Aılana, Aılýna esimdi sábılerdi dúnıege ákelgenin jazǵan bolatynbyz.

Sondaı-aq, Saryaǵashta da qańtar aıynda úshem dúnıege keldi. Úsh qyzǵa Ámına, Sabına jáne Medına esimderi qoıyldy.