Aılyǵy 1 mln teńgeden asatyndar nege tabystyń bir bóliginen ǵana MÁMS-ke aqsha aýdarady
ASTANA. KAZINFORM – «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń basqarma tóraǵasy Ábilqaıyr Sqaqov MÁMS jarnasynyń shekti mólsheri kóterilýi múmkin ekenin aıtty.
«MÁMS-ke aýdarylatyn jarna qarapaıym azamattardyń tabysynyń 2 paıyzynan alynady. Biraq bul talap aılyǵy 850 myń teńgeden asatyn adamdarǵa júrmeıdi. Óıtkeni 850 myń teńgeden artylǵan somadan MÁMS jarnasy alynbaıdy. Biz eńbek ótili joǵary mınıstrler men ákimderdiń 1,2 mln teńgege deıin aılyq alatynyn bilemiz. ıAǵnı, olar MÁMS jarnasyna osy 1,2 mln teńgeniń 2 paıyzyn emes, 850 myń teńgeniń 2 paıyzyn ǵana tóleıdi. Bul ádiletsiz dep oılamaısyz ba?» - dep surady jýrnalıst.
Qor basshysy bul ádiletsizdikti joıý úshin salaǵa jaýapty memlekettik organdar Densaýlyq saqtaý mınıstrligi usynyp otyrǵan jańa ózgeristi maquldaý kerektigin aıtady.
«Ol ras, MÁMS jarnasy azamattyń aılyǵy 850 myń teńgeden assa. Onyń ústinen tólenbeıdi. Jalpy qazir Densaýlyq saqtaý mınıstrliginde osy másele qarastyrylyp jatyr. Mınıstrlik tarapynan usynys bar. Bizdiń qor da óz esepterin berdi. Bolashaqta basqa memlekettik organdar qoldaıtyn bolsa, zańdyq bastama retinde usynys engiziletin bolady», - dedi Ábilqaıyr Sqaqov.
Qor basshysy aıtyp otyrǵan usynys 850 myń teńgelik shekti 4,5 mln teńgege deıin kóterýdi kózdeıdi.
«Qazir shekti mólsher 10 mınımaldyq aılyq bolsa, sony 50 mınımaldyq aılyqqa deıin kóterý usynylyp otyr. ıAǵnı, 850 myń teńgeden 4,5 mln teńgege deıin kóterý máselesi qarastyrylyp jatyr», - dedi ol.
