Aılyǵy 1 mln teńgeden asatyn aýqatty er azamattardyń 82 paıyzy otbasyly

Ulttyq statbıýronyń 2021 jylǵy sanaq nátıjesi boıynsha aı saıynǵy tabysy 1 mln teńgeden asatyn er adamdar arasynda 82 paıyzy nekede, dep habarlaıdy Kazinform agenttigi Birinshi kredıt bıýrosyna silteme jasap. 

Salystyrmaly túrde tabysy nólden 1 mln teńgege deıingi barlyq er adamdardyń 63% úılengen.

Tabysy 250-den 300 myń teńgege deıingi adamdarda otbasyly jigitterdiń úlesi 71% jetedi.

Degenmen turmystyq jaǵdaıy jaqsy aýqatty qazaqstandyqtar sırek ajyrasady - 3%.

Qalǵandarynda bul kórsetkish - 4,5%, ortasha jalaqy aımaǵyndaǵy kirisi bar topta - 6%.

Al tabysy 1 mln teńgeden asatyn áıelderdiń ishinde otbasyn qurǵan nekedegilerdiń úlesi – 70,5%.

Qalǵandarynda bul kórsetkish - 59%, tabysy 250-den 300 myńǵa deıingi topta – 67%.

Alaıda áıelder arasynda ajyrasý kórsetkishi kerisinshe joǵary. Munda eń joǵary úles, kerisinshe, eń aýqattylar qatarynda - 10,5%. 

Qalǵandarynda bul kórsetkish 7% jetedi, 250-den 300 myńǵa deıingi tabysy bar áıelder úshin - 9,5%.