Aıqyn Tólepbergen prodıýserlikti qolǵa aldy
ASTANA. QazAqparat - Ánshi Aıqyn Tólepbergen osy kúnge deıin jınaǵan tájirıbesin jastarmen bólisý maqsatynda shákirt tárbıeleýdi qolǵa aldy. Ol ónerli qyz ben jigittiń basyn qosyp, «A» dýetyn qurdy. Bul týraly juldyz-alem.kz habarlaıdy.
Dýet quramynda óner kórsetetin 1993 jylǵy Oljas ta, 1994 jylǵy Marjan da "Jandy Daýys" jobasynda bolǵan talantty ánshiler. Toptyń "A" dep ataýyn top solısteri prodıýserleriniń esimi "A" árpinen bastalatynymen jáne «A» alfavıttiń birinshi árpi ekendigimen túsindiredi.
Al toptyń janry kóbine lırıka baǵytynda bolmaq. Qazirgi tańda dýettiń eki lırıkalyq áni bar eken. Birinshisi baıaý rıtmde bolsa, ekinshi týyndylarynyń rıtmi jyldamyraq. Top jaqyn arada kópshilikke beınebaıan usynbaqshy.
