Aıqyn Tólepbergen men Beıbit Qorǵannyń ánderi Qytaıda shyrqaldy
BEIJІŃ. QazAqparat - Búgin Qytaıdyń bas keden basqarmasy Jańa jyl men Qytaı keden attashesiniń 10 jyldyǵyna arnalǵan qabyldaý ótkizdi, dep habarlaıdy «QazAqparat» HAA Qytaıdaǵy menshikti tilshisi.
Sharaǵa QHR-da akkredıttelgen álemniń 32 eliniń keden attasheleri qatysty.
Saltanatty keshte qazaqstandyq kedenshiler - Qytaıdaǵy QR Elshiliginiń qyzmetkerleri Ánýar Elgeldıev pen Aslan Ábenov jáne QR Prezıdenti janyndaǵy memlekettik basqarý akademııasynyń magıstranty Indıra Rafıkova dombyramen «Aq bulaq» jáne «Meniń Qazaqstanym» ánderin shyrqady. Olardyń ulttyq kıimi men erekshe ánderi kelýshilerdiń qoshemetine bólendi.
Sondaı-aq, jańajyldyq qabyldaýǵa Frantsııa, Belgııa jáne Qytaı ókilderi óner kórsetti. Kesh boıy qonaqtar qazaqstandyq ánshiler Aıqyn Tólepbergen («Jalǵyz sen», «Pah-pah», «Tumarym») men Beıbit Qorǵannyń («Shoq qyzdar») ánderine bıledi.
Qytaıdyń bas keden basqarmasy halyqaralyq yntymaqtastyq departamentiniń basshysy Chjao Jýsıa «QazAqparat» HAA tilshisine óz áseri týraly aıtyp berdi.
«Qazaqstandyq kedenshilerdiń qoıylymdary óte qyzyqty ári ásem boldy. Biz Sizderdiń halyqtaryńyzdyń dástúrli mádenıetimen tanstyq. Maǵan barlyǵy unady: án, ulttyq kostıým jáne dombyranyń úni», - dedi ol.
Onyń aıtýynsha, Qytaıdyń bas keden basqarmasy qazaqstandyq keden qyzmetimen yntymaqtastyqty joǵary baǵalaıdy.
«Qazaqstan men Qytaı keden organdarynyń ózara qarym-qatynasy QHR-dyń ózge eldermen yntymaqtastyǵy arasynan erekshelenip turady. Kedendik protsedýralardy jeńildetýde, tehnıkalyq sala jáne qaýipsizdikpen qamtamasyz etýdegi seriktestigimiz eki el arasyndaǵy saýdanyń damýyna septigin tıgizedi. Qazaqstandyq kedenshiler Qytaı kedendik attashesiniń negizin qalaýshylardyń biri jáne onyń jumysyna orasan úles qosyp keledi», - dep atap ótti Chjao Jýsıa.
Eske sala ketsek, Qytaıdaǵy kedenshiler attashesiniń klýby 2008 jyldyń maýsym aıynda QHR bas keden basqarmasynyń bastamasymen qurylǵan. Qazirgi ýaqytta klýb álemniń 32 elinen kelgen 50-den astam kedendik attashelerdi biriktiredi.
