Aıym Serikbaeva taekvondodan álem chempıonatynda tarıhı altyn medaldi jeńip aldy
ASTANA. KAZINFORM – Taekvondodan Qazaqstan quramasynyń ókili Aıym Serikbaeva Ózbekstannyń Tashkent qalasynda ótip jatqan jasóspirimder arasyndaǵy álem chempıonatynda top jardy.
Otandasymyz 44 kelige deıingi salmaqta altyn medal jeńip aldy. QR UOK málimetinshe, fınalda Serikbaeva Meksıka sportshysy Ponse Nýnes Shırlıdi 2:0 esebimen aıqyn basymdyqpen jeńdi.
Aıta keteıik, Qazaqstan quramasynyń qorjynynda jalpy úsh medal bar. Buǵan deıin Erasyl Erzat (48 kelige deıin) pen Islam Medetbaı (55 kelige deıin) qola júldeger atanǵan edi.
Bul jeńis – Qazaqstan taekvondosy úshin tarıhı sát. El quramasy jastar arasyndaǵy álem chempıonatynda sońǵy ret altyn júldeni 2006 jyly jeńip alǵan edi. Osylaısha, araǵa 20 jyl salyp altyn medal qaıtadan el qorjynyna tústi.
Aıta keteıik, Aıym Serikbaeva buǵan deıin Azııa chempıony atanyp, jastar arasyndaǵy Azııa oıyndarynyń jeńimpazy bolǵan.
Jastar arasyndaǵy álem chempıonaty 17 sáýirge deıin jalǵasady.
Buǵan deıin Bishkekte ótken belbeý kúresi týrnırinde Qazaqstan polıtsııa qyzmetkeri jeńiske jetkenin jazǵan bolatynbyz.
Qazaqstandyq dzıýdoshylardyń Azııa chempıonatyndaǵy alǵashqy qarsylastary anyqtaldy.
