Aıgúl Soloveva: Prezıdenttiń eń basty aıtqan sózi – eshkim de jaýapkershilikten jaltaryp ketpeıdi
NUR-SULTAN. QazAqparat – Prezıdenttiń eń basty aıtqan sózi – eshkim de jaýapkershilikten jaltaryp ketpeıdi. Memleket basshysy Qasym-Jomart Toqaevtyń respýblıkalyq telearnalar arqyly elimizde qalyptasqan ahýalǵa baılanysty úndeýi jaıly Ekologııalyq uıymdar qaýymdastyǵynyń tóraǵasy Aıgúl Soloveva osylaı dep pikir bildirdi, dep habarlaıdy QazAqparat tilshisi.
«Meniń oıymsha, Prezıdent Qasym-Jomart Toqaev naqty jaǵdaıdy kórip, bilip otyr. Ol jaǵdaıdyń azdap bolsyn túzelip kele jatqanyn aıtty. Ahýaldy turaqtandyrý úshin barlyq kúsh-jiger jumyldyrylýda. Óz basym 13 shildeni – Ulttyq aza tutý kúni dep jarııalaǵanyn qoldaımyn. Sebebi kóz jumǵan otandastarymyzdyń rýhyna qurmet kórsetilýi tıis. Táýelsiz el bolǵaly beri Qazaqstannyń basynan mundaı qıyndyq birinshi ret ótýde. Bálkim, osyǵan deıin qaıtys bolǵandar – densaýlyq saqtaý júıesiniń daıyn bolmaǵanynan shyǵar. Aınalyp kelgende bul sala menedjmentti, basqarýdy talap etedi. Úsh aıdyń ishinde jaǵdaıdy baqylaýda ustaý úshin bárin daıyndap qoıý kerek bolatyn. Memleket basshysynyń jaǵdaıdy baqylaýda ustap otyrǵan meniń kóńilimdi jaılandyrǵandaı boldy. Prezıdenttiń eń basty aıtqan sózi – eshkim de jaýapkershilikti jaltaryp ketpeıdi», - dedi Aıgúl Soloveva.
Eske sala ketsek búgin Memleket basshysy Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jarııalaǵan bolatyn.
