Aıgúl Soloveva: Bul saılaýda «Nur Otan» partııasynyń kóshbasshylyǵy aıqyn kórinip turdy
Qoǵam qaıratkeri Murat Ábenov saılaýdyń aldyn ala qorytyndysy boıynsha sarapshylar forýmyn ótkizip jatyr . Jıynda Aıgúl Solovevaǵa burynǵy saılaýlar men búgingi saılaýlardyń ereksheligi qandaı bolǵany jaıly suraq qoıyldy.
«Eń birinshi kezekte men hartııa bastamashysy bolǵanymdy atap ótkim keledi. Sol sebepti saılaýǵa halyqaralyq quqyq men zańnama turǵysynan qaradym. Meniń oıymsha, búgingi kúni saılaýǵa qatysqan bes partııanyń básekesin saıası túrlený deýge kelmeıdi. Plıýralızm menińshe, belgili bir deńgeıde shekteýli boldy. Sondyqtan jańadan taǵy bir eki-úsh partııa saılaýǵa qatysqanda, saıası naýqan budan da qyzyq bolar ma edi. Osy saılaý arqyly qoǵamnyń qanshalyqty kemeldengenin kórýge bolady. Óz baǵdarlamalaryn tanystyrǵan ázirge bes partııa bar. Meniń oıymsha, olarǵa jetkilikti ýaqyt berildi, pikirtalas ta kóp boldy», - deıdi ol.
Aıgúl Soloveva dese de qalyptasqan jaǵdaıdy qandaı da bir dárejede ózgertýge qatysty naqty bir úndeýdi baıqamaǵanyn atap ótti.
«Partııalardyń bir-birine degen synı teketiresi kóbirek bolsa, qyzyqtyraq bolar edi. Partııalar búgingi nátıjemen kelisti de qoıdy. Sondyqtan, bul básekede «Nur Otan» partııasynyń kóshbasshylyǵy aıqyn kórinip turdy. Bul meniń kózqarasym», - dedi ol.
Eske sala ketsek QR Ortalyq saılaý komıssııasy 10 qańtar kúni ótken QR Parlamenti Májilisi depýtattaryn saılaýda saıası partııalar jınaǵan daýystardyń aldyn ala qorytyndysyn jarııa etken bolatyn.
Ortalyq saılaý komıssııasynyń hatshysy Sábıla Mustafınanyń dereginshe, «Aýyl» halyqtyq-demokratııalyq patrıottyq partııasy 5,29, «Nur Otan» partııasy 71,09%, «ADAL» saıası partııasy 3,57, Qazaqstannyń «Aq jol» demokratııalyq partııasy 10,95 jáne «Qazaqstannyń Halyq partııasy 9,10 paıyz daýys jınady.
