Aıgúl Shaıymova: Jemqorlyqqa qarsy agenttiktiń belsendi qyzmetkerlerine bonýstar tólenýde
NUR-SULTAN. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi mereke kezinde bárine birdeı syıaqy berý júıesinen bas tartyp, jumysy nátıjeli qyzmetkerler úshin qosymsha syıaqy bonýstaryn bólý júıesin engizdi, dep habarlaıdy QazAqparat tilshisi.
«Qazaqstannyń Tuńǵysh Prezıdenti - Elbasy Nursultan Nazarbaev tıimdi memlekettik apparattyń negizin qurylymdaýdy tapsyrǵan bolatyn. Kez kelgen memlekettik qyzmetshiniń kásibıligine baılanysty reformalardyń tabystylyǵy aıqyn baıqalary sózsiz. Bul rette qyzmetshilerge - qoǵamnyń paıdasy úshin naqty nátıjege qol jetkizý mindettelip otyr», - deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova agenttikte ótken baspasóz máslıhatynda.
Onyń aıtýyna qaraǵanda, bul talap boıynsha memlekettik apparattyń jumysy naqty baǵalanatyn bolady.
«Dál osy talap aprobatsııadan ótip jatqan syıaqy berý júıesine engizilýde. Onyń basty ereksheligi - memlekettik qyzmetshiniń aılyq tólemaqysyna nátıjege jetýdegi úlesi tikeleı áser etetin bolady. ıAǵnı, biz mereke kezinde bárine birdeı syıaqy berý júıesinen bas tartyp, tıimdi qyzmetkerler úshin qosymsha syıaqy bonýstaryn bólý júıesin engizdik», - deıdi agenttik tóraǵasynyń orynbasary.
