Aıgúl Shaıymova qyzmetinen bosatyldy

NUR-SULTAN. QazAqparat - Memleket basshysynyń Ókimimen Aıgúl Amantaıqyzy Shaıymova Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetinen bosatyldy. Bul jóninde Aqordanyń baspasóz qyzmetine silteme jasap QazAqparat habarlaıdy.

Aıgúl Shaıymova 1979 jyldyń 12-qańtarynda Tselınograd oblysynyń Marınov aýdanynda týǵan. 1999 jyly L.Gýmılev atyndaǵy Eýrazııa Ulttyq ýnıversıtetin, 2004 jyly Qarjy polıtsııasy akademııasyn bitirgen.

Eńbek jolyn 2000 jyly QR Qarjy polıtsııasynyń Quqyqtyq qamtamasyz etý jáne halyqaralyq baılanys basqarmasynyń erekshe ister jónindegi kishi ınspektory qyzmetinen bastady.

2002-2004 jyldar aralyǵynda Qarjy polıtsııasy agenttiginiń Quqyqtyq qamtamasyz etý jáne halyqaralyq yntymaqtastyq agenttiginiń quqyqtyq saraptama bóliminiń bastyǵy boldy.

2004-2011 jyldary Aıgúl Shaıymova QR Ekonomıkalyq jáne sybaılas jemqorlyq qylmystarymen kúres agenttiginiń Quqyqtyq qamtamasyz etý jáne halyqaralyq yntymaqtastyq basqarmasy bastyǵynyń orynbasary qyzmetin atqardy.

2011-2012 jyldary QR Ekonomıkalyq jáne sybaılas jemqorlyq qylmystarymen kúres agenttigi tóraǵasynyń keńesshisi boldy.

2012-2013 jyldary QR Bas prokýrorynyń aǵa keńesshisi, QR Bas prokýratýrasy apparatynyń Aqparattyq-taldaý basqarmasyna qarasty Strategııalyq taldaý ortalyǵyn basqardy.

2013-2014 jyldary QR Qaýipsizdik Keńesiniń Sıtýatsııalyq ortalyǵy meńgerýshisiniń orynbasary qfzmetin atqardy.

2015 jyldyń qazany men 2016 jyldyń qańtary aralyǵynda QR Memlekettik qyzmet isteri jáne sybaılas jemqorlyqpen kúres agenttiginiń apparat jetekshisi boldy. 2016 jyldyń qańtary men 2016 jyldyń qyrkúıegi aralyǵynda Memlekettik qyzmet isteri vıtse-mınıstri qyzmetin atqardy.

2016 jyldan beri Memlekettik qyzmet isteri jáne Sybaılas jemqorlyqqa qarsy is-qımyl agenttigi tóraǵasynyń orynbasary qyzmetin atqaryp keldi.