Aıgúl Shaǵaltaeva: Elordada koronavırýs ınfektsııasynyń taralý qaýpi kúsheıip barady
NUR-SULTAN. QazAqparat – Nur-Sultan qalasynyń sanıatrlyq-epıdemıologııalyq baqylaý departamenti basshysynyń mindetin atqarýshy Aıgúl Shaǵaltaeva elordadaǵy qazirgi epıdemıologııalyq ahýal shekteý sharalaryn alyp tastaýǵa múmkindik bermeı otyrǵanyn málim etti, dep habarlaıdy QazAqparat tilshisi.
«Ózderińiz biletindeı, kesheden beri elorda «qyzyl» aımaqta. Keıingi bes kúnniń ishinde koronavırýs juqtyrǵandardyń artýyna baılanysty osyndaı sheshim qabyldanyp otyr. Bul koronavırýs ınfektsııasynyń taralý qaýpi artyp bara jatqanyn bildiredi. Ókinishke qaraı, aýrý juqtyrǵandardyń keıingi kúnderdegi statıstıkasy qandaı da bir karantın jeńildigin jasaýǵa nemese shekteýlerdi alyp tastaýǵa múmkindik bermeı tur», - dedi ol «Astana – adaldyq alańynyń» Facebook paraqshasynda ótken baspasóz máslıhatynda.
Onyń aıtýynsha, elordadaǵy medıtsınalyq uıymdar qaýipti indettiń taralý qaýpine daıyn otyr.
«Ambýlatorııalyq deńgeıde tósek-oryn júktemesi qazirgi ýaqytta 38 paıyzdy qurap otyr. PTR test tapsyrýǵa bolatyn 18 zerthana bar. Onyń bári de biryńǵaı júıege ıntegratsııalanǵan. ıAǵnı, juqtyrǵandardyń sanyn baqylap otyrmyz», - deıdi Aıgúl Shaǵaltaeva.
Eske sala ketsek, Nur-Sultan qalasy 10 jeltoqsannan bastap «qyzyl» aımaqqa kirgen edi.
