Aıgúl Malıkova Pavlodar oblysy ákiminiń orynbasary laýazymyna taǵaıyndaldy

ASTANA. KAZINFORM — Qazaqstan Respýblıkasy Prezıdenti Ákimshiliginiń kelisimi boıynsha, oblys ákimi Asaıyn Baıhanovtyń ókimimen 2024 jylǵy 8 tamyzdan bastap Aıgúl Qaıyrtasqyzy Malıkova Pavlodar oblysy ákiminiń ıdeologııa máseleleri jónindegi orynbasary laýazymyna taǵaıyndaldy. Bul týraly Pavlodar oblysy ákiminiń baspasóz qyzmeti málim etti. 

Ol ishki saıasat, memlekettik tildi damytý, din, mádenıet, bilim jáne sport salalaryna jetekshilik etetin bolady.

Aıgúl Qaıyrtasqyzy, 1976 jyly týǵan. «Bıologııa jáne hımııa», «Qarjy» mamandyqtary boıynsha joǵary bilimi jáne saıasattaný magıstri dárejesi bar.

1997-2008 jyldary Pavlodar qalasynyń mektepterinde muǵalim, dırektordyń tárbıe jónindegi orynbasary bolyp jumys istedi.

Memlekettik qyzmettegi eńbek jolyn 2008 jyly Pavlodar qalasy bilim bóliminiń mamany bolyp bastady.

2010-2018 jyldary Pavlodar qalasynyń № 20 mektep-lıtseıi men № 17 mektebin basqardy. 2018 jyldan bastap Pavlodar oblysynyń Kásipodaq ortalyǵynda, «AMANAT» partııasynyń PQF, Pavlodar qalasynyń bilim bólimi men ákimi apparatynda basshylyq laýazymdarda qyzmet atqardy.

2023 jylǵy sáýirden bastap osy laýazymǵa taǵaıyndalǵanǵa deıin «AMANAT» partııasynyń POF atqarýshy hatshysy boldy.