Aıgúl Qapbarova Senat depýtaty atandy

NUR-SULTAN. QazAqparat - Jańa senator Shymkent qalasynyń atynan saılanyp otyr, dep habarlaıdy QazAqparat Ortalyq saılaý komıssııasyna silteme jasap.

Ortalyq saılaý komıssııasy Shymkent qalasynan Parlament Senatynyń shyǵyp qalǵan depýtatynyń ornyna 2019 jylǵy 24 maýsymda bolǵan saılaýdyń qorytyndylaryn jarııalady.

«Shymkent qalasynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna saılaýdyń mynadaı qorytyndylary belgilensin: Ramılıa Rafkatovna Iskanderovaǵa 2 daýys nemese daýys berýge qatysqan tańdaýshylar daýystarynyń 7,5 paıyzy berildi. Aıgúl Jarylqasynqyzy Qapbarovaǵa 23 daýys nemese daýys berýge qatysqan tańdaýshylar daýystarynyń 85,0 paıyzy, al Álisher Gapırjanovıch Satvaldıevke 2 daýys nemese daýys berýge qatysqan tańdaýshylar daýystarynyń 7,5 paıyzy berildi», - delingen OSK saıtyndaǵy habarlamada.

Osylaısha, Qazaqstan Respýblıkasy Parlamenti Senatynyń depýtaty retinde kóp daýys jınaǵan Aıgúl Qapbarova saılanyp, oǵan belgilengen úlgidegi kýálik pen omyraýǵa taǵatyn belgi tapsyrý týraly qaýly shyǵaryldy.

Foto: static.ernur.kz