Aıgúl Imanbaevanyń teatry Makedonııadaǵy festıvalde bas júldeni enshiledi
ASTANA. QazAqparat – Aıgúl Imanbaevanyń «A.I.» mýzykalyq-teatrlyq ortalyǵy Makedonııadaǵy «Stobı» antıkalyq teatrlardyń XIII halyqaralyq festıvalinde Gran-prı syılyǵyna ıe boldy.
Bul týraly Instagram arqyly aktrısa Aıgúl Imanbaevanyń ózi habarlady.
«Dostar, qoldaýlaryńyzǵa rahmet! «A.I.» mýzykalyq-teatrlyq ortalyǵy Makedonııadaǵy «Stobı» antıkalyq teatrlardyń XIII halyqaralyq festıvalinde Gran-prı syılyǵyna ıe boldy», - dep jazdy ol.
«A.I» teatrynyń ujymy festıval kórermenderine «Medeıa» spektaklin usynǵan. Aıta keteıik, Aıgúl Imanbaeva qazaqstandyqtarǵa aktrısa retinde ǵana emes, ánshi, tanymal shoý-baǵdarlamalardyń telejúrgizýshisi retinde de belgili.
