Áıgili Vetnam radıosy Dımash Qudaıbergenge habar arnaıdy
ASTANA. KAZINFORM – 2025 jyldyń 2 shildesinde VOV3 (Vetnam daýysy) radıoarnasy qazaqstandyq ánshi Dımash Qudaıbergenniń shyǵarmashylyǵy men onyń vetnamdyq fan-klýbynyń qyzmetine arnalǵan «Idols Talk: Deep» baǵdarlamasynyń arnaıy shyǵarylymyn usynady, dep habarlaıdy DimashNews.
Radıohabar ánshiniń óner jolyna arnalady. Atap aıtsaq, qytaılyq «Singer 2017» shoýyndaǵy debıýtinen bastap ártúrli mýzykalyq janrlardy qamtıtyn halyqaralyq jetistikteri (klassıkalyqtan qazirgi popqa deıin) qamtylady. Baǵdarlama sonymen qatar onyń birneshe tilde, sonyń ishinde qazaq, orys, aǵylshyn, frantsýz jáne qytaı tilderindegi oryndaǵan ánderin qoıady.
Efırde Dımashtyń oryndaýyndaǵy SOS d’un terrien en détresse jáne Lıýbov ýstavshıh lebedeı ánderi qoıylady.
Habardyń ekinshi bólimi Dımashtyń 2017 jyly qurylǵan vetnamdyq fan-klýbyna arnalady, klýb músheleri ánshiniń shyǵarmashylyǵyna qyzyǵýshylyq tanytady, kezdesýler uıymdastyrady, birneshe tilde kontent daıyndaıdy jáne onyń mádenı mıssııasyn ilgeriletýge baǵyttalǵan bastamalardy úılestiredi.
Sondaı-aq baǵdarlamada Dımashtyń sheteldegi (sonyń ishinde Qazaqstandaǵy) kontsertterine qatysqan jankúıerler týraly estelikter, fan-klýbtyń kópshilikke arnalǵan is-sharalary men ánshimen onlaın formattaǵy kezdesýleri týraly aıtylady.
«Idols Talk: Deep» baǵdarlamasy 2025 jyldyń 2 shildesinde VOV3 (Vetnam daýysy) arnasynda Vetnam ýaqytymen 8:30, 15:30 jáne 19:30-da habar taratady.
Buǵan deıin Dımash Qudaıbergenniń Shanhaı halyqaralyq kınofestıvaliniń jabylýynda óner kórsetkeni habarlanǵan bolatyn.