Áıgili shahmatshy ıÝdıt Polgar Majarstan prezıdenttigine kandıdat bolýdan bas tartty
ASTANA. KAZINFORM – Tarıhtaǵy eń tabysty shahmatshy ıÝdıt Polgar Majarstan prezıdenti laýazymyna kandıdat bolý týraly usynystan bas tartty, dep habarlaıdy Euronews.
Onyń aıtýynsha, ol ultty biriktirý jaýapkershiligin óz moınyna alýǵa daıyn emes.
Polgar bul týraly Facebook-tegi paraqshasynda eldiń premer-mınıstri Peter Madıar ózin eldegi eń joǵary memlekettik laýazymǵa kandıdat retinde usynǵannan keıin málimdedi.
– Meni respýblıka prezıdenti qyzmetine usyný bastamasyn ómirimdegi eń úlken qurmet dep sanaımyn. Bul úshin sheksiz rızashylyǵymdy bildiremin, – dep jazdy Polgar.
Málimdeme jarııalanǵannan keıin Majarstan úkimetiniń basshysy shahmatshyǵa eldiń damýyna qosqan úlesi úshin alǵys aıtyp, onyń Majarstanǵa basqa qyzmette de paıdasyn tıgizedi degen úmit bildirdi.
Polgardyń kandıdatýrasyn usyný bastamasyn parlamenttegi «Tısa» partııasynyń fraktsııasy qoldady. Sonymen birge qoǵamnyń bir bóligi bul usynystyń keń qoǵamdyq talqylaýsyz jarııalanǵanyna nazar aýdardy.
Eske sala ketsek, 20 shildeden bastap prezıdent Tamash Shýıoktyń ókilettigi toqtatyldy. Ol onyń aldynda ǵana óziniń qyzmetinen ketýge múmkindik beretin túzetýge qol qoıǵan-dy.
Al jańa memleket basshysy saılanǵanǵa deıin prezıdent mindetin parlament tóraǵasy Agnesh Forsthoffer atqarady. Zańnamaǵa sáıkes, parlament 30 kún ishinde jańa prezıdentti saılaýy tıis.
Buǵan deıin «Tısa» partııasynyń ókilderi prezıdentti tikeleı saılaý júıesin engizýdi qoldaıtyndaryn málimdegen edi. Osyǵan baılanysty kelesi memleket basshysy Vengrııanyń jańa Konstıtýtsııasy qabyldanǵanǵa deıingi ótpeli kezeńde qyzmet etýi múmkin ekeni joqqa shyǵarylmaıdy.
