Áıgili gollıvýdtyq kaskader Ronnı Rondell ómirden ozdy
ASTANA. KAZINFORM — Gollıvýdtyń ataqty kaskaderi Ronnı Rondell-kishi 88 jasynda qaıtys boldy. Ol 200-den astam fılmge túsken, biraq eń kóp tanymaldylyqqa Pink Floyd tobynyń 1975 jylǵy «Wish You Were Here» albomynyń muqtasyndaǵy janyp turǵan adam beınesi arqyly ıe boldy. Bul týraly Euronews jazdy.
AQSh kaskaderlik óneriniń ardageri Rondell bul fotoǵa Hipgnosis dep atalatyn brıtandyq art-dızaın tobynyń sýretshileri Storm Torgerson men Obrı Paýelldiń jobasy aıasynda túsken. Bul sýrette Rondell iskerlik kostıýmmen tutas otqa oranǵan kúıde, ekinshi adammen (kaskader Dennı Rodjers) qol alysyp tur. Foto Kalıfornııadaǵy Warner Bros. stýdııasynda (sol kezdegi Burbank Studios) túsirilgen.
Rondell arnaıy otqa tózimdi kostıým men qorǵanysh gelin qoldanǵan. Keıin ol Pink Floyd: The Story of Wish You Were Here derekti fılminde bylaı degen:
— Ol kezde men otpen jıi jumys isteıtinmin. Qolymda arnaıy kostıýmder men kerek-jaraqtar boldy. Bul asa qaýipti emes edi, ári jaqsy aqy tólenetin, — degen.
Dese de, sol túsirilim kezinde ol qasyn jáne murtyn kúıdirip aldy degen derek bar.
Rondelldiń ómiri men mansaby
-
1937 jyly Gollıvýdta dúnıege kelgen.
-
AQSh áskerı-teńiz flotynda qyzmet etken.
-
Keıinirek teledıdar salasynda epızodtyq akter retinde jumysyn bastaǵan.
-
Stunts Unlimited kompanııasyn qurdy — bul kompanııa motosport, avtoshabandozdar, shabandozdar, ushqyshtar men horeograftardyń múddesin qorǵady.
Onyń mansaby 1955 jyldan 2003 jylǵa deıin sozyldy. Rondell kelesi fılmderde jumys istegen:
-
«Batysty qalaı jaýlap aldy»,
-
«Smertelnoe orýjıe»,
-
«Matrıtsa: Perezagrýzka»,
-
«Brıllıanty navsegda» (1971),
-
«Kommando» (1985),
-
«Chýjıe sredı nas» (1988),
-
«Ohota za Krasnym Oktıabrem» (1990),
-
«Telma ı Lýıza» (1991),
-
«Poslednıı geroı» (1993),
-
«Skorost» (1994),
-
«Voron» (1994),
-
«Betmen ı Robın» (1997).
Sondaı-aq, ol «Angely Charlı», «Baretta», «Spasatelı Malıbý» teleshoýlaryna túsken.
Rondell 2000 jyly zeınetke shyqqanymen, 2003 jyly «Matrıtsa: Perezagrýzka» fılmindegi áıgili kólikpen qýǵyn kórinisin qoıý úshin qaıta oralǵan.
Buǵan deıin AQSh-ta aty ańyzǵa aınalǵan balýan jáne kınoakter dúnıeden ótken edi.