Áıgili Backstreet Boys Almatyǵa keldi

ALMATY. KAZINFORM — Almatyǵa álemdik pop-mádenıet ańyzdaryna aınalǵan top — Backstreet Boys keldi.

Áleýmettik jelilerde áýejaıda mýzykanttardy jyly shyraımen qarsy alǵan sátterdiń kadrlary tarady. Ártisterge syı-sııapat kórsetilip, qazaqy taqııa men «Qazaqstan» shokolady tabys etildi.

Eske salaıyq, kópten kútken kontsert 19-qyrkúıekte qalanyń Ortalyq stadıonynda ótedi. Bul is-sharaǵa shamamen 27 myń kórermen jınalady dep josparlanǵan. Kontsert kezinde tártipti qadaǵalaý úshin 2100-den astam polıtsııa qyzmetkeri, 500 ulttyq gvardııa áskeri jáne 200 kúzetshi jumyldyrylady.

Almaty ákimdigi basty nazar qaýipsizdikke, kórermenderdiń jaılylyǵyna jáne uıymdastyrý sapasyna aýdarylatynyn habarlady.