Áıgili jeńil atlet Ýseın Bolt sporttaǵy karerasyn aıaqtamaqshy
ASTANA. QazAqparat - Aty ańyzǵa aınalǵan jeńil atlet, Ýseın Bolt óziniń sporttaǵy karerasyn eshqashan jeńilip kórmegen sportshy retinde aıaqtamaqshy, dep jazady 7daysnews.ru.
Frans Press aqparat agenttiginiń habarlaýynsha, jeńil atletıkadan Olımpıadanyń 8 dúrkin chempıony, ıamaıkalyq jelaıaq Ýseın Bolt 4-13 tamyz aralyǵynda Londonda ótetin álem chempıonatynyń aldynda óziniń sońǵy jarysyn óte joǵary deńgeıde ótkizýge daıyn ekendigin aıtty.
«Men ózime 100 paıyz senidimin. Men jarysqa túsýge daıynmyn»,-dedi ol.
«Men tipti gazet betterinen «Ýseın Bolt máńgi jeńimpaz, ony toqtatý múmkin bolmady»,-degen sııaqty taqyryptarmen jazylǵan gazet maqalalaryn da elestetip turmyn»,-dedi áıgili sportshy.
