Áıgili rekordshy Marat Jylanbaev «ATYRAU MARATHON» jarysyna qatysady
ATYRAÝ. QazAqparat - Áıgili rekordshy Marat Jylanbaev 14 sáýirde jyl saıynǵy Atyrau Marathone-2019 qaıyrymdylyq jarysyna qatysady. Marafon qarsańynda qazaqstandyq rekordshy jarystyń qatysýshylarymen jattyǵý ótkizedi. Bul týraly uıymdastyrý komıtetiniń vıtse-prezıdenti ıÝrıı Ponomarev málimdedi.
"Marat Tólegenuly bir kún buryn Atyraýǵa kelip, jappaı jarystyń qatysýshylarymen jattyǵý ótkizedi. Ózderińiz biletindeı, bizdiń qazaqstandyq chempıonymyz marafondar men ýltra-marafonǵa arnalǵan jeke oqytý júıesin ázirledi jáne osy júıege negizdelgen jattyǵý ótetin bolady", - dedi ıÝrıı Ponomarev.
Esterińizge sala keteıik, Marat Jylanbaev Afrıkadaǵy, Avstralııadaǵy, Azııadaǵy jáne Amerıkanyń eń úlken shólderin júgirip ótken jalǵyz adam. Bizdiń otandasymyz jeti jetistiktiń avtory, ol Gınnestiń rekordtar kitabynan laıyqty oryn aldy. Sporttyq mansap jyldarynda 160 myńnan astam shaqyrym qashyqtyqty baǵyndyrǵan.
"Búginde jyl saıynǵy Atyraý marafonyna qatysýǵa tirkeý jabyq, uıymdastyrýshylar jarysqa daıyndyqtyń sońǵy kezeńine jetti", - dedi ıÝrıı Ponomarev.
Aıta ketelik, álemdik rekordshy Marat Jylanbaevpen daıyndyq 13 sáýir kúni saǵat 17.00-de stadıonda ótedi.
