Áıgili «Parıj-Rýbe» birkúndik velojarysy ótpeıtin boldy
NUR-SULTAN. QazAqparat – Álemge áıgili «Parıj-Rýbe» birkúndik velojarysy Frantsııadaǵy karantın sharalasyna baılanysty ótpeıtin boldy, dep habarlaıdy QazAqparat QR Ulttyq olımpıadalyq komıtetiniń baspasóz qyzmetine silteme jasap.
«Bul týraly jarysty uıymdastyrýshylar habarlady. Bastapqyda velododa 12 sáýir kúni ótýi tıis bolǵan. Alaıda, koronavırýstyń asqynýyna baılanysty týrnır kúzge aýystyryldy. Keıin jarys 25 qazanda ótedi dep habarlanǵanymen, búgin týrnırdiń bıyl uıymdastyrylmaıtyny anyqtaldy», delingen komıtet taratqan habarlamada.
«Parıj-Rýbe» birkúndik velojarysy álemdegi eski ári tehnıkalyq turǵydan qıyn doda sanalady. Bıyl velojarys 118-shi ret ótýi tıis bolatyn. Atalǵan týrnır eń alǵash ret 1896 jyly uıymdastyrylǵan. Buǵan deıin «Parıj-Rýbe» velojarysy birinshi jáne ekinshi dúnıejúzilik soǵys kezinde ǵana ótkizilmegen.
