Áıgili kýrorttarda juqpaly chıkýngýnıa bezgegi órship tur
ASTANA. QazAqparat - Karıb basseıni elderiniń 10 myńnan asa turǵyny masalarmen tasymaldanatyn vırýsty indetke shaldyqty.
Osyǵan oraı atalǵan elderde demalysyn ótkizgisi kelgen azamattarǵa bul josparlarynan bas tartqany durys bolady. Sebebi bul óńirlerde juqpaly «chıkýngýnıa» bezgegi órship tur dep habarlaıdy sheteldik BAQ.
Aýrý jańa jyldyq merekelerden bastap baıqalǵan bolatyn, sodan beri on myńǵa jýyq adam atalǵan dertti juqtyrǵan. Jergilikti aýrýhanalar naýqastarǵa lyq toly. Qazirgi tańda aýrýdyń vaktsınasy joq. "Biz tek qana aýrýdyń belgilerin jeńildete alamyz, naýqas ózdiginen aıyǵady. Vırýstan qorǵaný úshin shybyn-shirkeıden qorǵaıtyn jabyq kıim kııý qajet. Dene qyzýy kóterilgen jaǵdaıda shuǵyl dárigerdiń kómegine júginý kerek. «Chıkýngýnıa» «Denge» bezgeginen de qaýipti, adam eki jylǵa deıin tósek tartyp jatyp qalýy múmkin", - deıdi dáriger-terapevt Ilıana Agasketa. Chıkýngýnıa dertin masalar jáne shybyn-shirkeıler tasymaldaıdy, sonymen qatar adamnan adamǵa da juǵady. Aýrý Eýropaǵa da tarap úlgergen, birinshi jaǵdaı Italııada tirkelgen. Negizgi belgileri - dene qyzýynyń joǵarylaýy, bulshyq etterdiń jáne býyndardyń qatty aýyrýy, júrek aınýy. Aýrý birneshe aptaǵa sozylady, keıbir jaǵdaılarda birneshe aıǵa da barady.
