Áıgili «qoshtasý» vıdeosyn túsirgen atyraýlyq túlekter jaýapqa tartylýy múmkin
ASTANA. QazAqparat - Atyraýdaǵy Kaspıı óńiriniń qazirgi zamandaǵy kolledji túlekteriniń áreketine qatysty quqyq qorǵaý organy qyzmetkerleri tarapynan shara qoldanylýy múmkin, dep habarlaıdy «Moı gorod ».
Bul jaıly oqý ornynyń oqytýshylary óńirlik kommýnıkatsııa qyzmetinde ótken arnaıy brıfıngte málimdedi.
«Biz túsinemiz, bitirý emtıhandarynyń aýyr kezeńderi jańa ǵana bitti, dıplomdaryn aldy, keýdelerin tolqý sezimi kernedi, alaıda olardyń mundaı aqylǵa qonymsyz áreketteriniń sebebine túsinistikpen qaraýdyń qajeti joq. Jas túlekterdiń isterine qatysty quqyq qorǵaý organdary qyzmetkerleri shara qoldanady», - deıdi kolledj ustazdary.
Óz kezeginde túlekter oqý orny basshylyǵyna arnalǵan ádepsiz vıdeolary úshin keshirim surady. Olar bul «aqylǵa qonymsyz áreket» bolǵandyǵyn aıtady.
«Biz kolledj basshylyǵynan jáne barlyq qazaqstandyqtardan keshirim suraımyz. Bul úlken qatelik boldy. Biz jaýapkershilikke tartylatyndyǵymyzdy bilemiz. Kolledj basshylyǵyna eshqandaı narazylyǵymyz joq. Aqylǵa qonymsyz is istedik, alaıda istelgen is isteldi, ótkendi qaıtaryp ala almaımyz. Shyn mánisinde biz dıplomdarymyzdy alǵannan keıin oqý ornyna alǵysymyzdy bildirgen vıdeo túsirmek bolǵanbyz», - deıdi túlekter.
Vıdeo keıipkerleriniń ózderi ishimdik ishpegendikterin aıtady, vıdeony ekinshi topta oqyǵan qyz túsirip, áleýmettik jelilerge júktegen. Olardyń ishindegi túlekterdiń biri kolledjdi qyzyl dıplomǵa bitirip jatyr. Onyń aǵasynyń aıtýynsha, boıynan eshqashan jaǵymsyz áreket baıqamaǵan.
