Áıgili qaqpashy Býffon fýtboldan ketkenin málimdedi

ASTANA. QazAqparat – Italııanyń ataqty golkıperi Djanlýıdjı Býffon 45 jasynda fýtboldaǵy karerasyn toqtatty. Bul týraly ol Instagram-paraqshasynda jazdy, dep habarlaıdy QazAqparat tilshisi.

«Al jigitter, osymen boldy! Sender maǵan bárin berdińder, men de senderge bárin berdim. Biz ony birge jasadyq», - dep jazdy áıgili qaqpashy. Sonymen birge ol fýtboldaǵy jarqyn sátteri beınelengen vıdeo jarııalady.

Aıta keteıik, Djanlýıdjı Býffon 1978 jyly Italııada ómirge kelgen. Dańqty fýtbolshy, qaqpashy, álemdik fýtboldyń rekordshy-qaqpashylarynyń biri. Ol 5 álem chempıonatyna qatysqan - 1998, 2002, 2006, 2010 jáne 2014 jyldary. Al 2006 jyly Germanııada ótken álem birinshiliginiń chempıony bolyp, atalǵan týrnırdiń eń úzdik qaqpashysy atandy.