Áıgili ıtalııalyq ánshi Alessandro Dımashty ǵalamat daýys ıesi dep atady

ASTANA. QazAqparat - Italııanyń álemge áıgili opera jáne estrada ánshisi Alessandro Safına Dımash Qudaıbergenniń ónerine tánti ekenin jazdy, dep habarlaıdy «QazAqparat» HAA tilshisi. 

«Dımash Qudaıbergen... Onyń daýysyn tyńdap kórińiz. Osydan keıin onyń qanshalyqty ǵalamat ekenine kózińiz jetedi», - dep jazǵan Alessandro Safına Instagramdaǵy paraqshasynda Dımashtyń ótken jyly Qytaıdaǵy «I am Singer» baıqaýynda óner kórsetken vıdeony bólisken.

Aıta ketsek, lırıkalyq tenor daýsymen álemdi moıyndatqan ıtalııalyq ánshiniń ataǵy 1990 jyldardan bastap shyǵa bastaǵan. 1889 jyly ol Katı Rıchcharellı atyndaǵy Halyqaralyq vokaldy baıqaýda alǵashqy júldesin jeńip alǵannan keıin opera álemine jarq etip shyqqan.

Alessandro Safınanyń «Insieme a te» atty albomy álemniń 30 eline taralyp, Brazılııa men Taıvanda albom ataýlynyń «altyn» tuǵyryna kóterilgen. Álemniń túkpir-túkpirin sharlaǵan ıtalıalyq ánshi Qazaqstanǵa da birneshe ret kelip, óner kórsetip ketken.