Áıgili fýtbolshy Iohan Kroıf ómirden ótti
ASTANA. QazAqparat - «FIFA TOP-100» tujyrymdamasy boıynsha HH ǵasyrdaǵy eń úzdik fýtbolshylar tiziminde Peleden keıin ekinshi oryn alǵan Nıderlandy sportynyń jarqyn juldyzy Iohan Kroıf 68 jasynda ómirden ótti.
Sońǵy jyldary I. Kroıf qaterli isikpen kúresip kelgen edi. 1970 jyldary Iohan Kroıf úsh márte Eýropanyń úzdik fýtbolshysy dep tanylyp, «Altyn doptyń» ıegeri bolǵan edi. Ol Amsterdamnyń «Aıaks» jáne katalonııalyq «Barselona» komandalarynyń jáne Gollandııa quramasynyń sapynda oınady. 1988-1996 jyldary «Barselonany» jattyqtyrdy, 1992 jyly klýb tarıhynda tuńǵysh ret Eýropa chempıondarynyń kýbogyn jeńip alǵan. Sońǵy suhbatynda ol: «qaterli isikpen tartysty kezdesýde 2:0 esebimen alda kelemin, alaıda match áli aıaqtalǵan joq», degen bolatyn.
