Áıgili fýtbolshy úlken sportpen qosh aıtysty
ASTANA. QazAqparat - «Barselona» FK ataqty oıynshysy ıspandyq Karles Pýıol úlken sportpen qosh aıtysty. 36 jastaǵy kapıtan arnaıy baspasóz máslıhatynda klýbqa jáne óziniń barlyq jankúıerlerge alǵysyn bildirdi.
Tize jaraqaty bolmaǵanda Pýıol áli de óner kórsetýge daıyn bolǵan. Alaıda dárigerlermen aqyldasa kele ol osyndaı sheshim qabyldapty. Jıynda sóz alǵan qorǵaýshy bapkerlikke qyzyqpaıtynyn jetkizdi. Biraq klýb qaramaǵynda qyzmet isteýge daıyn ekendigin jasyrǵan joq. «Barselona» fýtbolshysy Eýropa jáne álem chempıonynda, sondaı-aq chempıondar lıgasynda jeńiske qol jetkizgen sheber oıynshy, dep habarlaıdy KTK. Aıta keteıik, Pýıol kelisimshart merziminiń aıaqtalýyna áli eki jyl baryna qaramastan, «Barselonadan» osy jazda ketetinin aldyn ala málim etken edi.
