Áıgili fýtbolshy E. Pehlevanıdıdiń kitaby jaryq kórdi
ALMATY. 1 qarasha. QazAqparat /Erbol Turymbetov/ - Búgin ataqty fýtbolshy, elimizdiń «Qaırat» fýtbol klýbynyń burynǵy oıynshysy Evstafıı Pehlevanıdıdiń «Qazaqstandyq goleador» kitabynyń tusaýkeseri bolyp ótti.
Kitapta áıgili fýtbolshynyń sporttyq ǵumyrynyń jarqyn sátteri men estelikteri jáne basqa da qyzyqty oqıǵalary jazylǵan.
«Qazaqstan - meniń Otanym. Shymkentte týyp-óstim, topyraǵy meni árdaıym tartyp turady. Endigisi, kitabym shyǵyp, oıǵa alǵan maqsatymnyń oryndalǵanyna óte qýanyshtymyn», -dedi E. Pehlevanıdı.
KSRO sport sheberi E. Pehlevanıdı soqqan doptar sany boıynsha ózi oınaǵan klýbtyń rekordsmeni atandy, úzdik shabýylshy atandy. Ol KSRO chempıonattarynda 226 oıyn ótkizip, joǵary lıgada 69 dop soqqan. Dańqty fýtbolshy 1990 jyly tarıhı otanyna jol tartty.
