Áıgili Eısebıo dúnıeden ótti
ASTANA. 5 qańtar. QazAqparat - Ataqty portýgaldyq fýtbolshy Eısebıo dúnıeden ozdy.
Bul týraly ITAR-TASS habarlady. Áıgili fýtbolshy kezinde jasyndaı jarqyldaǵan «Benfıka» klýbynyń ókilderi habarlaǵandaı, 71 jastaǵy Eısebıonyń búgin tańerteń júregi toqtap qalǵan. Eısebıo da Sılva Ferreıra 1942 jyldyń 25 qańtarynda Portýgalııalyq Shyǵys Afrıkada (qazirgi Mozambık) dúnıege kelgen. Lıssabondyq «Benfıka» (715 match, 727 gol) jáne Portýgalııa quramasy (64 match, 41 gol) sapynda oınady. 1965 jylǵy "Altyn dop" ıegeri. HH ǵasyrdyń eń úzdik fýtbolshylary (TOP-100) tiziminde ondyqqa endi.
