Áıgili boksshy Maık Taıson kınoǵa túsedi
ASTANA. QazAqparat - Aty ańyzǵa aınalǵan boksshy Maık Taıson men tanymal Gollıvýd aktrısasy Pamela Andersonnyń esimderi bir kınoafıshadan kórinis tabýy múmkin, dep jazady RBK.
Aýyr salmaqtaǵy amerıkandyq sportshy men kóptegen kınolarda somdaǵan rólderimen kópshilikke keńinen tanymal aktrısa nemis rejısseri Verner Hertsogtiń jańa fılmine túsýge usynys alǵan. Qazirgi kezde kelissózder júrip jatyr. Áıgili juldyzdar kınokartınaǵa qatysty jumystar barysyn talqylaý ústinde, dep habarlaıdy frantsýz basylymy Gala.
Fılmniń túsirilimi jaz aılarynda bastalady, dep josparlanýda. Maık Taıson men Pamela Anderson óz sheshimderin jaqyn arada jarııalaıtyndaryn málim etken.
