Áıgili boksshy áke atandy
ASTANA. QazAqparat - Esimi keńinen tanymal bylǵary qolǵap sheberi Vladımır Klıchko men onyń qalyńdyǵy, tanymal amerıkandyq aktrısa Haıden Panetterı ata-ana atandy.
Ýkraındyq basylymdardyń aqparatynsha, sábı 4 jeltoqsan kúni keshke AQSh-taǵy klınıkalardyń birinde dúnıege kelgen. Onyń ul ne qyz bala ekeni ázirge aıtylmaı otyr, alaıda, osyǵan deıin Haıden Panetterı ózderiniń qyzdy bolatyndaryn jetkizgen edi.
Bul juldyzdy jup ózderiniń atastyrylǵany týraly 2013 jyly jarııa etken bolatyn. Alaıda olardyń toılarynyń bolatyn kúni áli naqtylanbaǵan. Qalyńdyqtyń aıtýynsha, «buǵan Ýkraınadaǵy jaǵdaılar sebep» bolyp otyr.
