Áıgili avtoshabandoz Shýmaher eshqashan esin jımaýy múmkin
ASTANA. 23 qańtar. QazAqparat - Formýla-1 avtoshabandozy Mıhael Shýmaher bir aı buryn alǵan jaraqatynan keıin esin jımaýy múmkin. Bul týraly Bordodaǵy Nevrologııa ýnıversıteti dárigerleriniń málimdemesine silteme jasaı otyryp, Daily Mail habarlady.
Aq halattylardyń aıtýynsha, Shýmaher psıhonevrologııalyq buzylystardan zardap shegip, essiz kúıde jatyr.
Aty ańyzǵa aınalǵan sportshy Frantsııadaǵy taý shańǵysy kýrortynda júrgende jaraqattanǵan. Tómen qaraı quldılap bara jatqan ol jolda qulap, basyn tasqa soǵyp alǵan.
«Onyń mıyna asa aýyr zaqym kelgen. Saǵat saıyn ýaqyt utýǵa tyrysyp baǵýdamyz. Sońy qalaı bolaryn kesip-piship aıta almaımyz», - dep habarlady baspasóz máslıhatynda Shýmaherge ota jasalǵan Grenobl emhananyń ókili.
Qazirgi ýaqytta burynǵy avtoshabandoz jasandy tynys aldyrý apparatynyń kómegimen ómiri úshin kúresip jatyr. Dárigerler qaıta ota jasalmaıtynyn aıtady. Qazirgi sátte basty mindet shabandozdyń bas súıeginiń ishki qan qysymyn barynsha tómendetý bolyp otyr.
