Áıgili ánshi Sofııa Rotarýǵa 70 jasqa tolǵan shaǵynda jas jigit sóz saldy
ASTANA. QazAqparat - Áıgili estrada juldyzy Sofııa Rotarý 70 jasqa tolǵan týǵan kúnin atap ótip jatqanda oǵan jas jigit sóz saldy. Bul týraly búgin reseılik uznayvse.ru saıty jazdy.
Atalmysh aqparat quraly taratqan málimetterge qaraǵanda, óziniń 70 jasqa tolǵan mereıtoıyn ánshi Sardınııa araldarynda eń jaqyn degen adamdarynyń ortasynda ǵana atap ótpek bolǵan. Osy kúni ánshiniń jaqyndary men týystary oǵan kóp maqtaý sózder men ádemi tilekterin arnady. Al, ózin týǵan kúnimen quttyqtaǵan jap-jas jigitten ánshi tańqalarlyqtaı eshqandaı áreket kútpegen edi.
Sýrette Aleksandar Popov
Belgili bolǵanyndaı oǵan kóńili túsken jigit, kezinde «Týrbomoda» tobynyń quramynda óner kórsetken 37 jasar mýzakant Aleksandr Popov eken. Ol óziniń Sofııaǵa burynnan ǵashyq ekenin jáne ózine eresek áıelderdiń unaıtynyn ashyq aıtqan. Sonymen qatar ol Sofııamen ekeýiniń arasyndaǵy 33 jas aıyrmashylyǵyna múldem qymsynbaıtynyn jetkizgen.
Uznayvse.ru saıtynyń habarlaýynsha, Sofııa Rotarý kezinde ýkraınalyq mýzykant Anatolıı Evdokımenkomen nekege turǵan jáne odan uldy bolǵan. 2002 jyly Anatloıı qaıtys bolyp ketken, al Sofııa bolsa osy oqıǵadan keıin otbasyn qurýǵa talpynbaǵan. Óıtkeni oǵan eriniń qazasy óte aýyr tıgen.
Al, Popovtyń ózine turmysqa shyǵý jónindegi usynysyna ázirge Sofııa Rotarý eshqandaı jaýap bergen joq.
