Áıgili ál-Azhar ýnıversıtetiniń sheıhy Bas múftımen júzdesti
ASTANA. 28 mamyr. QazAqparat - Musylman áleminiń áıgili din ǵulamalary ilim alǵan, talaı dindarlar túlep ushqan,
dástúrli Islamdy joǵary deńgeıde oqytatyn jańashyl ozyq oqý orny máshhúr ál-Azhar ýnıversıtetiniń sheıhy, Bas ımam Ahmet at-Taıyp Qazaqstan musylmandary dinı basqarmasynyń tóraǵasy Erjan qajy Malǵajyuly hazretpen kezdesti. Bul týraly QMDB baspasóz qyzmeti habarlady.
Júzdesý barysynda Qazaqstan men Egıpet Arab Respýblıkasynyń din salasyndaǵy baılanysy, oqý-aǵartý baǵyty boıynsha áriptestik qarym-qatynastary sóz boldy. Qalyptasqan dástúrli ýaǵdalastyqtar men ekijaqty kelisimderdi jandandyryp, ony júıeli júzege asyrý máselesi talqylandy.
Búginde 170-ten astam qazaq jastary Egıpette dástúrli ıslamı ilimmen sýsyndaýda. Al 14 mysyrlyq din ǵalymdary elimizdiń medreselerinde shákirtterge dáris beredi.
Kezdesýde Bas múftı Erjan qajy Malǵajyuly sheıh Ahmet at-Taıypqa Qazaqstanǵa resmı saparmen kelýdi usyndy. Ál-Azhar bas ımamy bul shaqyrtýdy qabyl alyp, elimizge issaparmen kelýge ýáde etti.
Aıta keteıik, Erjan qajy Maıamerovál-Azhar ýnıversıtetiniń Sharıǵat jáne zań fakýltetin 2006 jyly bitirgen qazaqstandyq tuńǵysh túlekterdiń biri.
